जर तुमच्या स्वतःचा कारखाना किंवा छोटा धंदा, व्यवसाय असेल, तर तुम्हाला माहितीच आहे की वीज जाणं किती डोकेदुखी असतं. पण आता टेन्शन घ्यायची गरज नाही. Loom Solar ने खास आपल्या उद्योजकांसाठी १२५ किलोवॅट (kW) क्षमतेची एक अशी बॅटरी सिस्टीम (BESS) आणली आहे, जी वीज गेल्यावर तुमच्या कामात काडीचाही अडथळा येऊ देणार नाही. ही सिस्टीम म्हणजे तुमच्या फॅक्टरीसाठी एक हक्काचा ‘पॉवरहाऊस’च ठरेल.
डिझेल जनरेटरचा तो ‘डोकेदुखी’ ठरणारा वेळ वाचणार
आपण बघतोच की, वीज गेल्यावर डिझेल जनरेटर चालू व्हायला किमान २-३ मिनिटं लागतात. तोपर्यंत मशीन बंद पडतात, कामगार रिकामे बसतात आणि उत्पादनाचं गणित बिघडतं. पण ही नवीन सिस्टीम इतकी फास्ट आहे की, वीज गेल्याचं तुम्हाला कळणार सुद्धा नाही! ही बॅटरी एका सेकंदाच्या आत लोड आपल्या अंगावर घेते, ज्यामुळे तुमचं उत्पादन सतत सुरू राहतं.
कामात खंड नाही, फक्त ‘प्रॉफिट’वर लक्ष द्या
जेव्हा काम न थांबता सुरू असतं, तेव्हाच खऱ्या अर्थाने फायदा होतो. मग तुमचं कोल्ड स्टोरेज असो, मॅन्युफॅक्चरिंग युनिट असो किंवा डेटा सेंटर—विजेचा छोटासा झटकाही इथे परवडत नाही. Loom Solar चा हा नवा पर्याय अशा लोकांसाठी ‘वरदान’ आहे ज्यांना कामात एक सेकंदाचाही खंड नको आहे. ही सिस्टीम तुमच्या फॅक्टरीची कार्यक्षमता अक्षरशः दुप्पट करू शकते.
डिझेलच्या धुरापासून आणि आवाजापासून सुटका
डिझेल जनरेटर म्हटलं की तो कानठळ्या बसवणारा आवाज आणि नाकात जाणारा धूर आलाच! पण ही बॅटरी सिस्टीम एकदम ‘सायलेंट’ आहे. कोणताही आवाज नाही, धूर नाही आणि प्रदूषणाचं तर नावच नाही. शिवाय, डिझेलचे भाव जसे वाढत आहेत, ते पाहता या बॅटरीमुळे तुमच्या खिशालाही मोठी राहात मिळणार आहे. हा पूर्णपणे ‘क्लीन’ आणि डोकेदुखी नसलेला पर्याय आहे.
एकदा बसवलं की १०-१५ वर्षं सुटी!
उद्योजक नेहमी टिकाऊ वस्तू शोधत असतो. या सिस्टीममध्ये वापरलेल्या बॅटरीचं आयुष्य खूप जास्त आहे. solar loom कंपनीच्या मते, तुम्ही ही बॅटरी ६,००० वेळा चार्ज-डिस्चार्ज करू शकता. सोप्या भाषेत सांगायचं तर, एकदा ही सिस्टीम बसवली की पुढची १० ते १५ वर्षं तुम्हाला बॅकअपची काळजी करण्याची गरज नाही. मेंटेनन्सचा खर्चही जवळजवळ शून्यच आहे.
तुमच्या सोयीनुसार सिस्टीम वाढवण्याची सोय
उद्या जर तुमचा व्यवसाय वाढला आणि तुम्हाला जास्त पॉवर लागली, तर काय? तर ही सिस्टीम बदलायची गरज नाही. Loom Solar ने यात ‘स्केलेबिलिटी’ दिली आहे. म्हणजे तुम्ही आहे त्या सिस्टीमलाच गरजेनुसार वाढवू शकता. अगदी १ मेगावाटपर्यंत ही ताकद नेता येते, ज्यामुळे ही तुमची भविष्यातील एक सुरक्षित गुंतवणूक ठरते.
विजेच्या बाबतीत आता बना पूर्णपणे आत्मनिर्भर
सगळ्यात भारी गोष्ट म्हणजे, जर ही सिस्टीम तुम्ही सोलर पॅनल्ससोबत जोडली, तर तुमची फॅक्टरी पूर्णपणे स्वतःची वीज स्वतः तयार करू शकेल. म्हणजे सरकारी वीज असली काय किंवा नसली काय, तुमचं काम चालूच राहणार! डिझेलच्या युगाला मागे टाकून आता स्मार्ट आणि शाश्वत ऊर्जेकडे वळण्याची हीच ती योग्य वेळ आहे.
